ജാഥ

ഉറുമ്പിൻ ജാഥ വരുന്നുണ്ടേ

അരിമണിയേന്തി വരുന്നുണ്ടേ

അണിയണിയായി വരുന്നുണ്ടേ

പണിയാളുകൾ വരുന്നുണ്ടേ

തെറികൾ തെല്ലും മുഴക്കാതെ

പൊതുമുതലൊന്നുമുടയ്ക്കാതെ

വരിവരിയായി വരുന്നുണ്ടേ

അണികൾ നൂറു വരുന്നുണ്ടേ

വരിയിൽച്ചേരാ ചെറിയവരെ
തൊഴുതു വണങ്ങി വരുന്നുണ്ടേ

പൊതുവഴിയെങ്ങും മുടക്കാതെ

ഓരം ചേർന്നു വരുന്നുണ്ടേ

അരികിൽ നിൽക്കും ഉണ്ണികളേ

അദ്ധ്വാനിക്കാൻ പോന്നോളൂ

ഇന്നുലഭിച്ചതിൽ നാളേയ്ക്കും

കരുതിക്കൊണ്ടു നടന്നോളൂ...