തിരയാണു
തിരയൊഴിയും
നേരത്തിരുളാണു
ഇരുൾ കീറും
തീയാണു
തീമാറിക്കനലാണു
കനൽ നീറും
നെഞ്ഞാണു
നെഞ്ഞിലറിയാതെ
പൂത്തൊരു
പൂവാണു പുണ്യം
നിറമേറ്റിയാളുന്ന
വിധിയാണു വിണ്ണിൽ
വിണ്ണിന്റെയൊളിമാറും
മുഖമാണു കടലിൽ
ആഴത്തിനതിരിടും
അടരെന്റെ നൗകയിൽ
അതിലറിയാതെ
കാവും മലകളും
കരിങ്കുയിൽപ്പാട്ടും
കനവേറ്റി വിടർന്നൊരു
കവിതയീ പുണ്യം
വരിയാണു
വാക്കാണു
വാക്കിൽ നിറയുന്ന
നീയാണു
നീ കാണും
മഴയാണു
മഞ്ഞാണു
മണ്ണാണു
മണ്ണിൽ നിറക്കൂട്ടായി
നമ്മുടെ കളിവീടും
കളിയായി
കഥയായി
നമ്മിലറിയാതെ-
യറിയാതെ പൂത്തൊരു
പൂവാണു പുണ്യം
OO അജിത് കെ.സി
കളിയായി
ReplyDeleteകഥയായി
നമ്മിലറിയാതെ-
യറിയാതെ പൂത്തൊരു
പൂവാണു പുണ്യം
നല്ല താളമുണ്ട് വായിക്കാൻ. രസമായിട്ടുണ്ട്. വിഷുദിനാശംസകൾ.
പതിവ് പോലെ മനോഹരമായ കവിത...വിഷു ആശംസകള് !
ReplyDeleteഇഷ്ടം, വളരെയിഷ്ടം ഏറെയിഷ്ടം ഈ വരികള്
ReplyDeleteകളിയായി
ReplyDeleteകഥയായി
നമ്മിലറിയാതെ-
യറിയാതെ പൂത്തൊരു
പൂവാണു പുണ്യം
ഇഷ്ടായീ
ReplyDeleteവായിക്കാന് വൈകി...
ReplyDeleteവരികള് ഇഷ്ടമായി...
കളിയായി
ReplyDeleteകഥയായി
നമ്മിലറിയാതെ-
യറിയാതെ പൂത്തൊരു
പൂവാണു പുണ്യം